"Ordabasy" fýtbol klýby Antalııada Ahmat Qadyrov kýbogy halyqaralyq týrnırge qatysýda
ALMATY. 27 qańtar. QazAqparat /Erlik Erjanuly/ - Búgin Túrkııanyń Antalııa qalasynda fýtboldan Chechen Respýblıkasynyń Tuńǵysh Prezıdenti, Reseı Batyry Ahmat Qadyrovtyń kýbogy úshin halyqaralyq týrnır bastalady.
Onda "A" tobyndaǵy oıyndar Groznyıdyń "Terek" pen Shymkenttiń "Ordabasy" fýtbol klýbtary arasyndaǵy kezdesýmen ashylmaq. Bul oıyn "NTV Plıýs Nash fýtbol" jáne "Groznyı" telearnalarynda tikeleı efırde kórsetiledi dep josparlanýda.
Qazaqstan aıaqdopshylary A.Qadyrovty eske túsirýge arnalǵan bul básekede toptyq kezeńdegi kelesi qarsylasy 30 qańtarda Rýmynııanyń "Rapıd", al 1 aqpanda Latvııanyń "Daýgava" komandalary bolady. Bul saıysta shymkenttikter úzdik shyqsa, 3 aqpanda ekinshi toptyń jeńimpazymen aqtyq synda kezdesetin bolady. "B" tobynda Harkovtyń «Metallıst», Bakýdyń «Neftchı», Varshavanyń «Polonııa» jáne Táshkenttiń «Pahtakor» komandalary óner kórsetpek. 27 jeltoqsandaǵy jerebe boıynsha týrnır Polonııa" men "Pahtakor" arasyndaǵy oıynmen bastalady.
