«Ordabasy» FK-da «kadrlyq tazartý» bolady
ASTANA. 29 mamyr. QazAqparat - Fýtboldan Qazaqstan jastar komandasynyń jáne shymkenttik «Ordabasy» klýbynyń fýtbolshysy Baqdáýlet Qojabaev pavlodardyń «Ertisine» aýysatyn boldy.
Bul týraly Vesti.kz habarlap otyr.
Pavlodarlyq klýb kópten beri qorǵaýshy izdep júrgen bolatyn. Sondyqtan shymkenttikterdiń qataryndaǵy negizgi quramdaǵy ornynan aıyrylǵan Qazaqstan jastar quramasynyń oıynshysyna tańdaýlary túsipti. Jýyrda eki tarap kelisimge qol qoıady dep kútilýde.
«Eger ol klýbtan ketkisi kelse, men tek sáttilik tileımin», - deıdi Ordabasynyń jattyqtyrýshysy Vıktor Pasýlko bul máselege qatysty.
Saıttyń habarlaýynsha, komandadan taǵy da biraz fýtbolshylar «ushatyn» kórinedi. Máselen úsh jyldyq kelisimge otyrǵan jartylaı qorǵaýshy Artem Kasıanov transferge qoıylǵan. Sondaı-aq «Ordabasynyń» negizgi quramyna ótpeı qalǵan Renat Abdýlın, Davıd Chagelıshvılı jáne Sanat Jumahanovtardyń da klýbta qalý-qalmaýy ekitalaı.
Esterińizge sala keteıik, qazaqstandyq fýtboldyń premer-lıgasyndaǵy jazǵy transferttik tereze 8 maýsymda ashylady.
