Ordabasy aýdanynyń ákimi aýyldyq okrýgtiń tynys-tirshiligimen tanysty - OQO
ShYMKENT. QazAqparat - Ońtústik Qazaqstan oblysy Ordabasy aýdanynyń ákimi Almasbek Mamytbekov Tórtkúl aýyldyq okrýgine arnaıy jumys saparymen baryp, sharýalarmen júzdesti, dep habarlaıdy aýdan ákimdiginiń baspasóz qyzmeti.
Ondaǵy maqsat - aýyldyqtardy oılandyrǵan ózekti máselelerdi, sharýashylyqtardyń búgingi hal-ahýalymen jiti tanysý. Ol "Tórtkúl Agro" aýylsharýashylyq óndiristik kopperatıviniń, "Ramazan Agro" jaýapkershiligi shekteýli seriktestiginiń tynys-tirshiligin kórdi. Aýdandyq máslıhattyń depýtaty Nurlan Batyrbekov sharýashylyqtaǵy túıtkildi máselelerdi alǵa tartty.
Bıyl aýdan boıynsha 7130 gektarǵa maqta egilip, 15028 tonna ónim jınaldy. Sharýashylyqtar ár gektarynan 25 tsentnerden ónim alyp, aldaǵy jylǵa egistik kólemin ulǵaıtýdy josparlaýda.
Aýdan ákimi Ordabasy ólkesiniń bir kezderi maqtaly alqap bolǵanyna toqtalyp, aýyl ardagerlerine sharýashylyqtar tarapynan usynylatyn talap-tilekterdiń nazardan tys qalmaıtynyn málimdedi.
Aıta ketý kerek, Tórtkól, Bógen, Jeńis jáne Qaraqum aýyl okrýgterinde maqta sharýashylyǵyn damytýdy, bul óńirlerde maqta egisin 9000 gektarǵa jetkizý josparlanyp otyr. Osy oraıda, sýarmaly jerlerdiń jaǵdaıyn jaqsartý jáne jańadan sýarmaly jerlerdi aınalymǵa qosý úshin taǵy 187 tik drenajdy iske qosýǵa jumys jasalmaq. Búginde aýdan boıynsha jylyjaılardyń kólemi 7,18 gektarǵa ulǵaıǵany da úlken jetistik.
