Ordabasy aýdanynyń agrarshylary shetelge 250 tonna kókónis eksporttady

TÚRKІSTAN. QazAqparat –Ordabasy aýdanynda bıyl 3 340 tonna alǵashqy ónim jınaldy. Kókónis basqa óńirlerge jetkizilýde, sondaı-aq 250 tonna ónim Reseıge eksporttaldy, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.

Ordabasy aýdanynda jylyjaılar sany artýda. Ótken jyly aýdanda 20 ga jylyjaı iske qosylsa, bıyl bul kórsetkish taǵy 10 gktarǵa ulǵaıǵan. Jylyjaılardyń jalpy kólemi - 77,07 gektar.
Jylyjaı salýǵa jer telimine ótinim bildirgen 63 azamattyń 19-y óz qarjysy esebinen, 29-y nesıeleý arqyly jumysyn bastamaq. Nesıe alýshy azamattarǵa jergilikti ákimdiktiń uıytqy bolýymen keńes berilip, memlekettik baǵdarlamalar usynylýda. Nátıjeli jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan «Eńbek» memlekettik baǵdarlamasyna sáıkes, jańa bıznes-ıdeıalardy iske asyrýǵa arnalǵan memlekettik granttar berý tetigi de kózdelgen.

Memlekettik grant alýǵa «Bastaý Bıznes» jobasy boıynsha kásipkerlik negizderine oqytý kýrsynan ótken nemese Baǵdarlamanyń birinshi baǵyty sheńberinde qysqa merzimdi oqýdy aıaqtaǵan jumyssyz azamattar ótinim bere alady. Búginge deıin óz kásibin ashýǵa nıet bildirgen 97 azamattan ótinish túsip, 71-ne grant berildi. Bul kórsetkishti jyl sońyna deıin ulǵaıtý kózdelgen.