Ordabasy aýdanynda joldardyń sapasyna monıtorıngtik baqylaý júrgizildi
ORDABASY. QazAqparat – Túrkistan oblysy, Otyrar aýdanynda memlekettik bıýdjet qarjysy esebinen salynǵan jergilikti joldarǵa monıtorıngtik baqylaý jumystary júrgizildi.
«Sapaly jol - Túrkistan Adaldyq alańy» jobalyq keńsesi aıasynda júrgizilgen sharada «Aýyl - El besigi» baǵdarlamasy aıasynda salynyp jatqan joldardyń sapasy baqylandy, dep habarlaıdy QazAqparat tilshisi.
Aýdan ortalyǵy Temirlan aýylynda júrgizilgen qoǵamdyq baqylaý jumystaryna «Túrkistan - Adaldyq alańy» jobalyq keńsesiniń menedjeri E.Tuńǵyshbaev pen aýdan ákiminiń orynbasary A.Oralbaev, «Ulttyq jol aktıvteri sapasy» ortalyǵy Túrkistan oblysy boıynsha fılıaly mamandary men Ordabasy aýdandyq arnaıy monıtorıngtik top músheleri qatysty.
Sondaı-aq, osy salaǵa jaýapty mamandar men «Nur Otan» partııasy fılıalynyń ókilderi, merdiger kompanııa basshylary men BAQ ókilderi shaqyryldy. Jyljymaly jol zerthanasy arqyly jańadan salynǵan 4 kósheden synama alynyp, onyń nátıjesimen merdiger kompanııa basshylyǵyna joldardy talapqa saı qalpyna keltirý jumystaryn júrgizý boıynsha naqty tapsyrmalar berildi.
Aıta keteıik, jobalyq keńseniń baǵyty avtomobıl joldarynyń sapasyn arttyrýǵa baǵyttalǵan. Aldaǵy ýaqytta Túrkistan oblysyna qarasty barlyq aýdan-qalalardyń joldary baqylaýǵa alynyp, monıtorıngtik jumystar júıeli túrde júrgiziledi dep josparlanǵan.
