Ordabasy aýdanynda jeke menshik qos balabaqsha ashyldy - OQO

ShYMKENT. QazAqparat - Qazaqstan Respýblıkasy Táýelsizdiginiń 25 jyldyǵyna oraı Ońtústik Qazaqstan oblysy Ordabasy aýdanynda taǵy eki balabaqsha paıdalanýǵa berildi, dep habarlaıdy aýdan ákimdiginiń baspasóz qyzmeti.

Memlekettik-jeke menshik seriktestik aıasynda Shubarsý men Badam aýylynda ashylǵan "Aınazııa" men "Uly Orda" bóbekjaı balabaqshalarynyń ár qaısysy 150 baladan qabyldap, jumysyn bastady. Balabaqsha zamanaýı jıhazdarmen jáne barlyq qajetti dúnıeler men tolyq jabdyqtalǵan. El bolashaǵy búldirshinderdiń jaqsy tirbıe men belgili deńgeıde bilim alyp shyǵýlaryna da múmkindikter barynsha qarastyrylǵan. Ashylý saltanatynda aýdan ákimi Almasbek Mamytbekov turǵyndardy táýelsizdik merekesimen quttyqtap, óńirimizdegi ıgi ister týraly baıandady. Búldirshinderge izgi tilegin jetkizip, balabaqsha quryltaıshylaryna alǵys aıtty. Aýdandyq máslıhattyń depýtaty Z.Mahanova da nıettestigin bildirip, kásipkerlerge qoldaý jyldan jylǵa artyp keletinin tilge tıek etti. Sonymen qatar, bala bolashaǵy úshin atqarylar ister jalǵasyn tabýyna tilektestik bildirdi. 

Aıta ketý kerek, Ordabasy aýdany boıynsha búgingi tańǵa jeke menshik balabaqsha sany 25-ke jetti. Aýdandaǵy jalpy 40 balabaqsha men 21 shaǵyn ortalyqta 6375 bala mektepke deıingi bilim men tárbıemen qamtyldy. Bul aýdan boıynsha búldirshinderdiń 82,9 paıyzyn quraıdy.