Ordabasy aýdanynda týǵanda qyz bolyp, keıin ulǵa aınalǵan balaǵa ota jasalady
ASTANA. QazAqparat - Ońtústik Qazaqstan oblysy Ordabasy aýdany Temirlan aýylynda sırek kezdesetin germafrodıtızm dıagnozymen týǵan Aısúndet Áýezhan atty 3 jasar balaǵa shuǵyl túrde operatsııa jasalýy qajet bolyp otyr.
Operatsııadan soń onyń ata-anasy týǵan mekenderin birjola tastap kóshýge mindettelip otyr.
«QazAqparat» tilshisimen áńgimelesken Aısúndettiń anasynyń aıtýynsha, bala týa sala dárigerler oǵan qyzdyń qujatyn bergen.
«Aısúndet 2013 jyldyń 19 sáýirinde dúnıege keldi. Júktiligimniń úsh aıynda ózim turatyn Temirlan aýylynyń dárigerleri men aýdan dárigerleri abort jasatýǵa kelisimimdi surady. Men kelisim bergen joqpyn. Olardyń aıtýynsha, balanyń júreginde kinárat tabylǵan. Biraq, bir aılyq kezinde Astanadaǵy «Ana men bala» ortalyǵyna baryp qaraldym. Ondaǵy mamandar balanyń saý ekenin, aı-kúnime jetkende bosanýǵa bolatynyn aıtty. Áıtse de, aýylǵa kelgennen keıin dárigerler meni baladan arylýǵa kóndirdi... Júktiligimniń jeti aıynda Shymkent qalasyndaǵy №1 perınataldy ortalyq dárigerleri ekpe arqyly meni bosandyrdy.
Ókinishke qaraı, balanyń jynysy anyq bilinbedi, al qalǵan densaýlyǵynda esh kinárat bolǵan emes. Ne ul, ne qyz ekenin bile almaǵan dárigerler qyzdyń qujatyn berip, aýrýhanadan shyǵaryp saldy»,-deıdi Sáýle.
Balanyń alǵashqy aty Aıarý jáne ol jynysy qyz degen qujat alady. Bir jasqa tolǵanda ony Almatydaǵy mamandarǵa kórsetken ana onyń ul bala ekenine kózi jetedi. Anasy balasyn bir jasqa tolǵansha eshkimge kórsetpegen.
«Bir jasqa tolǵannan keıin aımaqtyq dárigerler bizdi Almaty qalasynda ornalasqan Asfendııarov atyndaǵy ortalyqtyń joǵary bilikti ýrolog dárigerlerine jiberdi. Ortalyq dárigerleri «bala ul, biraq metirkesi qyzdiki. Operatsııa jasaý úshin aldymen balanyń qujatyn aýystyrý kerek» dedi. Balama «ekijaqty krıptorhızm, shaptyń bógelýi. Jynys múshesi men atalyq jumyrtqanyń gıpoplazııasy. Gopospadııa. Jalǵan germofratıdızmniń uma túri» degen dıagnoz qoıyldy. Dárigerler bundaı dıagnozy bar balaǵa operatsııa jasap kórmegenderin, alǵash ret meniń balama jasap, otanyń bir jaǵynan tájirıbe bolatynyn aıtty. Operatsııadan keıin balanyń jaǵdaıy jaqsaratynyna kepil bola almady. Men árıne, operatsııadan bas tarttym. Sebebi, balamnyń tájirıbe úshin pyshaqqa túsip, buryn jasalmaǵan, nátıjesi qalaı bolatyny belgisiz operatsııaǵa kirgenin qalamadym»,-deıdi anasy.
Bul oqıǵadan keıin Sáýle balanyń týý týraly kýáligin sot arqyly aýystyryp, ulyna Aısúndet dep esim qoıǵan. Odan soń Aısúndettiń anasy ınternet arqyly osyndaı dıagnozy bar balalarǵa sátti ota jasap júrgen arab hırýrgy Madar Asadpen baılanysady.
«Bul - myń balanyń birinen ǵana tabylatyn aýrý eken. Internetten Máskeýde jumys isteıtin ýrolog-hırýrg Madar Asadty taptyq. Madar Asad buryn balanyń jynysyn qalpyna keltiretin operatsııa jasap, odan bala aman qalǵan eken. Oǵan hat joldadyq. Qazaqstannyń balalaryn qabyldaıtyn kezegi 2018 jyl eken. 2018 jylǵa deıin qansha qarajat kerek bolsa, sony jınap baramyz dep josparladyq. Biraq, bizdiń balamyzdyń jaǵdaıynda búkil qajetti operatsııalar tórt jasqa deıin tolyq aıaqtalýy kerek eken. Sondyqtan qaıta habarlasyp, onda dáriger Almatyda osyndaı tórtinshi operatsııa júrgizgeli jatqanyn aıtty. «DostarMed» atty klınıkanyń shaqyrýymen Almatyǵa keletin ýaqytyn aıtty. Biz dárigerdiń qaralýyna jazyldyq. Konsýltatsııasy 200 myń teńge eken. Joldasym bir kisiniń saýdasymen aınalysady. Tórt balamyz bar. Páter jaldap turamyz. Áıteýir áýpirimdep júrip 200 myń qarajat taýyp, konsýltatsııasyn aldyq. Orys tilin durys túsinbeımin, dáriger de sheteldik, sonymen, onyń jazýy boıynsha operatsııa 350 myń teńge shyǵady eken. Osyny estigen men kúıeýime qýanyshty habardy jetkizdim. Ol qajetti qarjyny tabatynyn aıtyp, balaǵa operatsııa jasaýmen baılanysty jumystar bastalyp ketti. Operatsııa sátti aıaqtalǵannan keıin, dáriger keldi. Operatsııa quny 350 myń teńge emes, 3 mln 100 myń teńge bolady eken. Asfendııarov atyndaǵy ortalyq úsh operatsııa arqyly jasaımyz degen emdi bir operatsııaǵa syıdyrdy. ıAǵnı, qýyqtyń ústinde turǵan jumyrtqany túsirip, qalta jasady. Endi sońǵy operatsııa nesep joly bólinetin organyn ornyna aparý kerek. Ol operatsııany jasatý úshin Arýjan Saınnyń qaıyrymdylyq qorynan kómek suradyq. Qaıyrymdylyq qory kómektesýge daıyn, tek bizdiń oblystyq dárigerleri «Qazaqstanda bundaı operatsııa jasalmaıdy» degen anyqtama berýden bas tartyp otyr.
Olardyń aıtýynsha, Asfendııarov atyndaǵy ortalyq bul operatsııany tegin jasap bere alady. Biraq, men buryn bundaı operatsııa jasap kórmegen dárigerlerge sene almaı otyrmyn. Endi óz qarajatymyzǵa emdetý úshin qarjy kerek»,-deıdi Sáýle.
Aıta keteıik, Aısúndettiń ata-anasy aldyńǵy operatsııanyń qunyn tolyq tóleý úshin Qazaqstan halqynan kómek suraıdy.
«Halyq bank» AQ-nan ashylǵan shot: KZ 926010002008011093
Kartanyń nomeri: 4390478254278384
«Kazkomertsbank» AQ-nan ashylǵan shot: KZ 85926004PN02027498. Karta nomeri:4003032718310442
