Ordabasy aýdanynda sport kesheni ashyldy
NUR-SULTAN. QazAqparat - Sport kúni qarsańynda Túrkistan oblysy, Ordabasy aýdanynyń Qaraqum aýylynda jańa sport kesheni paıdalanýǵa berilip, aýyl turǵyndary qýanyshqa kenelip otyr, dep habarlaıdy QazAqparat Túrkistan oblysynyń Óńirlik kommýnıkatsııalar qyzmetine silteme jasap.
Qaraqum sport kesheniniń ashylýyna qatysqan aýdan ákiminiń orynbasary Azat Oralbaev turǵyndarǵa aýdan basshysynyń quttyqtaýyn jetkizip, ǵımarattyń ashylýyna eńbek sińirgen azamattarǵa Alǵys hat tabystady.
Aýyl turǵyndarynyń atynan sóz alǵan Ermekbaı Satenov kópshilikti merekemen quttyqtap, atqarylǵan jumystar úshin rızashylyǵyn bildirdi.
Jalpy, Ordabasy aýdanynyń sport salasynda aıtýly jumystar atqarylyp keledi. 2020 jyly jergilikti bıýdjet esebinen Uıalyjar men Temirlan aýylynan ashyq alańsha men strıt vorkaýt ashylǵan bolatyn. Aýdan ortalyǵyndaǵy saıabaq ta osyndaı nysanmen tolyqty. Kópqabatty úılerdiń aýlasynda 2 ashyq alańsha, «Báıterek» mektebiniń sport zaly men alańshasy salyndy.
