Ordabasy aýdanynda munaı ónimderin óndirýdiń erekshe jobasy qolǵa alynbaq
ORDABASY. QazAqparat – Túrkistan oblysy Ordabasy aýdanynda munaı ónimderin óndirý boıynsha erekshe joba qolǵa alynbaq. Biregeı joba boıynsha Evro - 5 standartyna saı otandyq ónimder kádimgi kómirden óndiriledi, dep habarlaıdy QazAqparat tilshisi.
Álemde teńdesi joq jobamen oblys ákimi Ómirzaq Shókeev arnaıy baryp, tanysyp qaıtty. Ordabasy aýdanyna qarasty Badam aýyl okrýgindegi «Standart Resýrsıs» JShS kómir - hımııalyq kombınaty jylyna 30 myń tonnaǵa deıin shıkizat óndirýge qaýqarly. Endigi jerde munda AI-92 markaly benzın, dızel janarmaıy men benzol, tolýol, ksılol jáne úlgili mazýt ónimderi shyǵarylady. 1,5 mlrd teńge ınvestıtsııa quıylǵan joba aıasynda 100-ge jýyq jańa jumys orny ashylmaq.
Memleket tarapynan «Bıznestiń jol kartasy-2020» baǵdarlamasy aıasynda ınfraqurylym jelisi júrgizilip, 3 shaqyrym jerde temir jol tartylǵan. Qazirgi tańda zaýytta qurylys jumystary aıaqtalyp, iske qosylýǵa daıyndyq ústinde. Aldaǵy ýaqytta daıyn ónim tek el kólemindegi naryqqa ǵana emes, TMD elderine eksporttalmaq.
Negizgi merdigeri-munaı hımııasy salasyndaǵy naryq kóshbasshylarynyń biri bolyp tabylatyn reseılik «ETN Tsıklon» kompanııasy. Zaýyt basshylarymen kezdesý barysynda Ómirzaq Estaıuly eksperımentaldy jobany keńinen júzege asyrýdy qolǵa alý kerektigin atap ótti. Ol úshin teńdesi joq tehnologııanyń qyr – syryn mamandarǵa jappaı úıretýdi tapsyrdy.
