Ordabasy aýdanynda iz-túzsiz joǵalǵan 14 jasar qyz tabyldy
ORDABASY. QazAqparat - Túrkistan oblysy, Ordabasy aýdanynda 14 jastaǵy jasóspirim iz-túzsiz joǵalyp ketken. Jergilikti polıtsııaǵa aryzdanǵan ata-ana qyzynyń úıinen belgisiz baǵytqa shyǵyp, qaıta oralmaǵanyn aıtqan, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, qyzdy izdeýge kirisken tártip saqshylary top-topqa bólinip, qyzdyń erekshe belgileri boıynsha izine túsken. Jedel atqarylǵan is-sharalardyń nátıjesinde kámeletke tolmaǵan jasóspirim qyz anasynyń tanysynyń úıinen tabyldy. Densaýlyǵyna tóngen eshqandaı qaýip joq. Sonymen qatar, jasóspirimniń úıinen ketip qalýyna ne sebep bolǵany jóninde jaýap alynýda. Óz kezeginde qyzyn tez arada taýyp bergenine rıza bolǵan ata-ana polıtsııa qyzmetkerlerine alǵysyn jaýdyrdy.
Osyǵan uqsas taǵy bir jaǵdaı Saryaǵash aýdanynda da oryn aldy. Jergilikti turǵyn saýda ortalyǵynda saýda jasap júrip, qasyndaǵy 4 jasar qyzynan kóz jazyp qalǵan. Óz betinshe izdep kórgenimen, taba almaǵan. Polıtsııanyń kómegine júgingen soń ǵana búldirshin sanaýly saǵattyń ishinde tabylǵan.
Aıta keteıik, jyl basynan beri óńirde tártip saqshylary iz-túzsiz joǵalǵan 9 búldirshin men jasóspirimdi taýyp, ata-anasyna tabystaǵan.
