Ordabasy aýdanynda 85 kanal tazartylyp jatyr
ORDABASY. QazAqparat - Túrkistan oblysyndaǵy Ordabasy aýdanynda 871 shaqyrymdy quraıtyn 85 kanal demeýshiler esebinen mehanıkalyq tazartylýdan ótýde. Bul sharalar aýdan kóleminde egistik jerlerdi aǵyn sýmen qamtamasyz etilýin jaqsartý men shilde aıynda sý jetpeı qalý qaýpin seıiltý maqsatynda atqarylýda, dep habarlaıdy QazAqparat tilshisi.
Dál qazirgi tańda aýdanda 380 shaqyrymdy quraıtyn 43 kanalda mehanıkalyq tazalaý jumystary júrgizilip jatyr. Búgingi tańda 97 shaqyrym kanal ishi tazartylǵan. Qalǵan 117,6 shaqyrymy 15 shildege deıin tolyq tazalanyp bitedi dep kútilýde. Nátıjesinde 15 699 gektar jerdiń sýmen qamtamasyz etilýi jaqsaryp, shilde aıynda 2 228 gektar jerge tirshilik nári jetkiziledi,
Aıta keteıik, Ordabasy aýdanynda 871 shaqyrymdy quraıtyn 85 kanal bar. Onyń15-i respýblıkalyq, 45-i oblystyq, 17-si aýyl okrýgteriniń esebinde, 9-y jeke menshikte. Bul kanaldar arqyly 33131 gektar aýyl sharýashylyǵy maqsatyndaǵy sýarmaly jer ıgeriledi. Búginde demeýshiler esebinen mehanıkalyq tazalaýdan ótip jatqan kanaldarda 7 tehnıka jumys isteýde.
