Ordabasy aýdanyna Túrkııadan ákelingen kóshetter jemis bere bastady
ORDABASY. QazAqparat – Túrkistan oblysy, Ordabasy aýdanynyń almalary jappaı Nur-Sultanda saýdalanýda. Jemistiń bes túrin ósiretin jergilikti baǵbandar óz ónimderin elordadan bólek Almaty, Túrkistan jáne taǵy basqa qalalarǵa jóneltilip jatyr, dep habarlaıdy QazAqparat tilshisi.
Atap aıtqanda, «Aleksandrovskıı sad» JShS ár gektardan 20 tonnadan astam alma jınaýda. Sondaı-aq, munda gala, grını smıt, jeremı, golden, pýdjı, skarlet dep atalatyn alty túrli alma kóshetteri jaıqalyp ósip tur. Seriktestik dırektory, aýdandyq máslıhattyń depýtaty Baqtııar Taǵaevtyń aıtýynsha, jemisterdiń kóshetteri úsh jyl buryn otyrǵyzylǵan. Jaqsy kútim men qaraýdyń arqasynda kóshetter ósip, óz jemisin berýde.
Jergilikti baǵban Júnis Aıǵazynyń sózinshe, qazirgi tańda gala almasynyń ónimi terilýde. Qarqyny jaqsy, jumystyń basynda 57 adam eńbek etýde.
«Almalar 2016 jyly egilip, 2018 jyldan beri ónim berýde. Bıylǵy kóktemde qosymsha 20 gektar jerge otyrǵyzylǵan alma kóshetteride jemis berip jatyr. Sondaı-aq, munda shabdaly kóshetiniń eki túrli surpy egilgen. Bul kóshetterdiń basym bóligi Túrkııa elinen arnaıy alyp kelingen. Gektarynan 20 tonnadaı alma jınalýda. Aldaǵy ýaqytta almadan basqa da jemis aǵashtaryn otyrǵyzyp, 100 gektarǵa jetkizsek dep josparlaýdamyz. Ónimge Nur-Sultan, Almaty, Túrkistan, taǵy basqa qalalardan suranys kóptep túsýde», - deıdi baǵban Júnis Aıǵazy.
Aıta keteıik, búginde halqy tyǵyz ornalasqan aýdanda aýyl sharýashylyǵyna basa kóńil bólinýde. Salany damytýǵa atalǵan seriktestik ujymy da úlken úlesin qosyp otyr.
