«Ordabasy» «Astanadan» úsh upaıǵa uzap ketti

ASTANA. QazAqparat - Búgin fýtboldan premer-lıga komandalary arasyndaǵy el birinshiliginiń 16-týrynda «Ordabasy» týrnır kestesinde kósh basyna shyqty, dep habarlaıdy QazAqparat tilshisi.

Shymkenttik klýb óz alańynda Petropavldyń «Qyzyljaryn» 2:1 esebimen súrindirdi.

Kezdesý barysynda petropavldyq klýbtan Maksım Chıkanchı 24-mınýtta esep ashty. Oǵan ekinshi kezeńde «Ordabasy» sapynan Ashat Taǵybergen 59, Erkebulan Tuńǵyshbaev 92-mınýtta eki golmen jaýap qaıyrdy.

Osylaısha «Ordabasy» týrnır kestesinde 42 upaımen birinshi orynǵa kóterildi. Nátıjesinde elordalyq «Astanadan» úsh upaıǵa uzap ketti.

Endi 23 shildede 18:00-de «Shahter» (Qaraǵandy) men «Kaspıı» (Aqtaý), 19:00-de «Qaırat» (Almaty) pen «Maqtaral» (Túrkistan) oınaıdy.

Bul týrdy 21:00-de «Tobyl» (Qostanaı) men «Oqjetpes» (Kókshetaý) komandalary túıindeıdi.

Eske salsaq, budan buryn «Jetisý» men «Aqsý» 1:1 «Jetisý» men «Aqsý» 0:0 eesbimen teń tússe, «Aqtóbe» «Qaısardy» 1:0 esebimen súrindirdi.