«Ordabasynyń» bas bapkeri bolyp belgııalyq maman taǵaıyndaldy
ASTANA. KAZINFORM — Shymkenttiń «Ordabasy» fýtbol klýbynyń bas bapkeri bolyp 44 jastaǵy belgııalyq maman Karel Gerarts taǵaıyndaldy.
— Karel Gerarts — «Ordabasynyń» jańa bas bapkeri. Ol buǵan deıin «ıÝnıon», «Shalke» jáne «Reıms» klýbtaryn jattyqtyrǵan, — dep jazdy áleýmettik jelide klýbtyń ambassadory ári teń ıesi Beıbit Álibekov.
Karel Gerarts Belgııanyń «ıÝnıon» klýbyn 57 matchta jattyqtyryp, komandany Eýropa lıgasynyń shırek fınalyna shyǵardy. Keıin Germanııanyń «Shalke» klýbyn 33 kezdesýde basqardy. Mamannyń keıingi jumys orny Frantsııanyń «Reıms» klýby boldy. Bul komandamen 40 match ótkizgen ol 2026 jylǵy mamyrda klýbtan ketti.
Aıta keteıik, 2026 jylǵy maýsymda moldovalyq maman Andreı Martınniń jetekshiligimen «Ordabasy» klýb tarıhynda alǵash ret «altyn dýbl» jasady. Shymkenttik komanda Qazaqstan chempıonatynda jeńiske jetip, Túrkistanda ótken el kýbogynyń fınalynda qyzylordalyq «Qaısardy» 4:1 esebimen oısyrata utty.
Eske salaıyq, buǵan deıin «Ordabasyny» bıyl chempıondyqqa jetkizgen Andreı Martın qyzmetinen ketkenin habarlaǵan edik.