«Ordabasy» Winter Cup fýtbol týrnıriniń jeńimpazy atandy
ASTANA. KAZINFORM — Shymkenttiń «Ordabasy» klýby fýtboldan Qazaqstan klýbtary arasynda ótken Winter Cup týrnıriniń jeńimpazy atandy. Olar fınalda Qostanaıdyń «Tobylynan» basym tústi.
Kezdesý barysynda shymkenttik klýb sapynda Ashat Taǵybergen, Baýyrjan Islamhan sekildi tájirıbeli fýtbolshylar jasyl alańǵa shyqqan joq.
Tipti, olar qosalqy quram tizimine de qosylmady.
Oıyn barysynda komandalar bir-biriniń qaqpasy mańynda jıi boı kórsetti. Soǵan qaramastan birinshi kezeńde esep ashylǵan joq.
Ekinshi kezeńde de fýtbolshylar kózdegen nysanadan múlt ketip jatty.
Osylaısha oıynnyń negizgi kezeńi 0:0 esebimen aıaqtalyp, penaltı tebýde «Ordabasynyń» joly boldy.
Nátıjesinde alǵash ret ótkizilip otyrǵan «Winter Cup» týrnırinde jeńimpaz atandy.
Jańa maýsym aldyndaǵy týrnır barysynda 100 mıllıon teńge sarapqa salynady.
Dop dodasynyń jeńimpazy 60 mln teńgege ıe bolsa, ekinshi oryn alǵan klýb 40 mln teńgege qol jetkizedi.
3-oryn úshin saıysta «Elimaı» men «Aqtóbe» kezdesýiniń negizgi kezeńi 2:2 esebimen teń aıaqtalyp, penaltıden «Aqtóbe» 3:2 esebimen basym tústi.
Eske salsaq, jartylaı fınalda «Tobyly» «Aqtóbeni» 4:2, Shymkenttiń «Ordabasy» klýb «Elimaıdy» 4:0 esebimen tize búktirdi.
Sondaı-aq, endi 25 aqpanda Túrkııa jerinde Qazaqstan sýperkýbogynda «Ordabasy» (Shymkent) pen «Tobyl» (Qostanaı) kezdesedi.
