«Ordabasy» Premer-lıganyń týrnır kestesinde birinshi orynǵa kóterildi
ASTANA. KAZINFORM — Búgin, 1 maýsymda fýtboldan Qazaqstan Premer-lıgasy onynshy týrynyń alǵashqy oıyn kúni máresine jetti.
Bul kúngi ekinshi oıynda Shymkentte jergilikti «Ordabasy» Taldyqorǵanyń «Jetisý» komandasyn qabyldady.
Byltyr el chempıony ataǵyn tuńǵysh márte jeńip alǵan shymkenttik klýb bıyl ala-qula oıynymen jankúıer senimin aqtaı almaı keledi.
Qazirge deıin nebári 13 upaı jınap, týrnır kestesinde besinshi orynda turǵan edi.
Esesine taldyqorǵandyq klýb 14 upaımen tórtinshi orynǵa jaıǵasqan bolatyn.
Kezdesý barysynda «Ordabasy» sapynan 21-mınýtta Artem Besedın ózine berilgen múmkindikti múlt jibergen joq.
Al taldyqorǵandyq klýbtan Danııar Úsenov 26-mınýtta alystan gol soǵyp, tarazy basyn teńestirdi.
Odan keıin shymkenttik komandadan Evgenıı Makarenko 32, Jasýr ıAhshıboev 35-mınýtta eki gol soǵyp ketti.
Osylaısha qarsylasyn 3:1 esebimen tize búktirgen «Ordabasy» týrnır kestesinde birinshi orynǵa kóterildi.
Endi atalǵan týrda 2 maýsymda «Turan» (Túrkistan) men «Aqtóbe», «Elimaı» (Semeı) men «Qyzyljar» (Petropavl), «Qaırat» (Almaty) pen «Shahter» (Qaraǵandy), «Jeńis» (Astana) pen «Atyraý» komandalary oınaıdy.
Eske salsaq, budan buryn «Qaısar» syrt alańda «Tobyldy» jeńip ketken edi.
