«Ordabasy» fýtboldan Qazaqstan kýbogy fınalyna shyqty

ASTANA. KAZINFORM — Búgin fýtboldan Qazaqstan kýbogy fınalyna shyqqan alǵashqy komanda anyqtaldy. 

Mundaı múmkindikke shymkenttik «Ordabasy» komandasy ıe boldy. Olar jartylaı fınalda Petropavldyń «Qyzyljar» komandasyn qosymsha kezeńde 1:0 esebimen súrindirdi. Eki komanda arasyndaǵy alǵashqy kezdesýde 0:0 esebi tirkelgen edi. 

Endi 29 tamyzda 19:00–de «Jeńis» (Astana) pen «Tobyl» (Qostanaı) oınaıdy. Birinshi kezdesýde qostanaılyq klýb 2:1 esebimen jeńiske jetken edi.

Bıyl Qazaqstan kýbogyna Premer-lıga, Birinshi jáne Ekinshi lıgadan barlyǵy 30 komanda qatysty. Aldymen Birinshi jáne Ekinshi lıga komandalary alǵashqy irikteý kezeńin ótkizdi. 
Olardyń arasynan irkilmeı shyqqan eki klýb 1/8 fınalda Premer-lıga komandalary qataryna qosyldy.

Jeńimpaz 2026 jyly Konferentsııa lıgasynyń ekinshi irikteý kezeńine joldama alady.