«Ordabasy» fýtbol klýbynyń jańa prezıdenti taǵaıyndaldy

ASTANA. KAZINFORM — Bul qyzmetke Darhan Erkinuly Qyzaıbaev keldi.

Darhan Qyzaıbaev 1990 jylǵy 3 naýryzda Almaty oblysynda dúnıege kelgen. 2009-2014 jyldary Amerıka Qurama Shtattarynda bilim alyp, Penn State University ýnıversıtetinde «Ekonomıka jáne halyqaralyq qatynastar» mamandyǵy boıynsha bakalavr dárejesin ıelendi.
Kommertsııalyq jáne óndiristik salalarda basshylyq qyzmetter atqaryp, strategııalyq damý jáne ınvestıtsııalyq jobalardy iske asyrý baǵyttaryna jetekshilik etti.

Sondaı-aq ár jyldary Darhan Erkinuly birqatar iri óndiristik jáne halyqaralyq kompanııalardyń basqarý organdaryna múshe boldy. Atap aıtqanda, 2016 jyldan bastap kommertsııalyq jáne óndiristik uıymdarda basqarýshy laýazymdarda jumys atqardy.
Aıta ketsek, qazirge deıin bul qyzmetti Ashat Seısembek atqarǵan edi.

Eske salsaq, búgin «Ordabasy» fýtbol klýby jeke basqarýǵa ótti.