13:06, 07 Mamyr 2024 | GMT +6
«Ordabasy» FK prezıdenti densaýlyǵyna baılanysty qyzmetinen ketti
ShYMKENT. KAZINFORM — Shymkenttik «Ordabasy» fýtbol klýbynyń prezıdenti Baýyrjan Abdýbaıtov qyzmetinen ketti. Onyń mundaı sheshim qabyldaýyna densaýlyǵy sebep bolǵan.
Bul aqparatty fýtbol klýbynyń baspasóz qyzmeti rastady jáne oǵan ujym atynan eńbegi úshin alǵys aıtty.
«Baýyrjan Toıshybekuly klýbqa qıyn kezeńde kelip, eki jyl ishinde komanda Qazaqstan Kýbogy men Qazaqstan chempıondyǵyna qol jetkizdi» delingen fýtbol klýbynyń málimetinde.
Eske salsaq, Baýyrjan Abdýbaıtov «Ordabasy» fýtbol klýbynyń prezıdenti qyzmetine 2022 jyldyń aqpan aıynda taǵaıyndalǵan bolatyn.
Qazaqstan Premer-lıgasynyń ótken maýsymynda fýtbol klýby tuńǵysh ret chempıon atandy.