«Ordabasy» búgin Konferentsııa lıgasynda alǵashqy oıynyn ótkizedi

ASTANA. KAZINFORM — Shymkenttik «Ordabasy» fýtbol komandasy UEFA Konferentsııa lıgasy birinshi irikteý kezeńinde búgin Grýzııanyń «Torpedo» (Kýtaısı) komandasymen kezdesedi.

Kezdesý qazaqstandyq ýaqytpen 22:00–de bastalyp, «Qazsport» telearnasynan tikeleı efırde kórsetiledi.

«Torpedo» komandasy 1946 jyly qurylǵan. Grýzııanyń Ýmaglesı lıgasynda 1999/00, 2000/01, 2001/02, 2017 jyldary chempıon ataǵyna qol jetkizdi. Byltyr óz elinde kúmis júldeger atandy. 

Atalǵan komanda eýrokýbok oıyndarynda qazaqstandyq klýbtarmen úsh márte kezdesti. Aldymen 2012 jyly Eýropa lıgasy birinshi irikteý kezeńinde «Aqtóbege» (1:1, 0:1) jol berse, odan keıin «Ordabasyǵa» (0:2, 0:1) qarsy tura alǵan joq.

Al 2023 jyly Konferentsııa lıgasynda taǵy da «Aqtóbege» (1:4, 2:1) ese jiberip qoıdy.
Qarymta kezdesý 17 shildede Shymkent qalasynda ótkiziledi.

Eske salsaq, budan buryn almatylyq «Qaırat» UEFA Chempıondar lıgasy birinshi irikteý kezeńinde syrt alańda Slovenııanyń «Olımpııa» klýbymen 1:1 esebimen teń oınady.

Aıta ketsek, atalǵan týrnırde elordalyq «Astana» eýrokýbokty ekinshi irikteý kezeńinen bastaıdy.Sondaı-aq Eýropa lıgasynda elimizdiń atynan «Aqtóbe» synǵa túsedi.