«Ordabasy» «Astanaǵa» ese jiberdi

Búgin, 24 qyrkúıekte fýtboldan Premer-lıga komandalary arasyndaǵy Qazaqstan birinshiliginiń 23-týrynda «Ordabasy» óz alańynda «Astanadan» jeńilip qaldy, dep habarlaıdy QazAqparat tilshisi.

Komandalar bıyl chempıon ataǵyna talasyp keledi. Ázirge «Ordabasy» alda kele jatyr.

Dese de, áli de bas júlde taǵdyry sheshile qoıǵan joq. Búgin shymkenttik klýb jeńiske jetken jaǵdaıda altyn medalge jaqyndaı túsetin edi.

Búgingi kezdesýde «Astana» negizgi quramnan birneshe oıynshysyn alyp kelgen joq. Soǵan qaramastan shymkenttik klýbqa laıyqty qarsylyq kórsetti.

Kezdesý barysynda elordalyq komandadan Aslan Darabaev 42-mınýtta esep ashsa, 60-mınýtta Nurálı Jaqsylyqov esepti ulǵaıta tústi.

Oıynnyń 89-mınýtynda Maksım Fedın penaltıden múlt ketken joq.

Osylaısha «Ordabasy» qarsylasyna 1:2 esebimen ese jiberdi.

Búgin «Tobyl» «Jetisýǵa» 1:2 esebimen jol berse, «Oqjetpes» pen «Atyraý» komandalary 0:0 esebimen teń tústi.

Al 24 qyrkúıekte «Qyzyljar» men «Aqtóbe», «Qaırat» pen «Shahter» 0:0 esebimen teń oınasa, «Maqtaral» «Aqsýdan» 2:0, «Qaısar» «Kaspııden» 3:1 esebimen basym tústi.