«Ordabasy» 2026 jylǵy Qazaqstan kýbogynyń ıegeri atandy
ASTANA. KAZINFORM — Búgin, 7 qarashada fýtboldan Qazaqstan kýbogy fınalynda «Qaısar» (Qyzylorda) — «Ordabasy» (Shymkent) komandalary kezdesti.
Kezdesý barysynda shymkenttik fýtbolshylar jyldam gol soǵýǵa tyrysty. Oıyn basynan tizgindi óz qolynda ustaýǵa tyrysqan olar degenine kóp uzamaı jetti. Alǵashqy goldy 7-mınýtta «Ordabasy» sapynan Sultanbek Astanov 7-mınýtta óziniń enshisine jazdy.
Oıynnyń 41-mınýtynda olardyń qatarynan Bern Ionsen basymdyqty arttyrdy.
Ekinshi kezeńde shymkenttik komanda taǵy eki márte kózge tústi. Aldymen Davıd Abagna 60-mınýtta gol soqsa, Elhan Astanov 71-mınýtta kózdegen nysanadan múlt ketken joq.
Oıynnyń 84-mınýtynda «Qaısar» sapynan Agostıno Magalıaesh mergendik tanytty.
Osylaısha «Ordabasy» qarsylasynan 4:1 esebimen basym túsip, óziniń tarıhynda úshinshi márte Qazaqstan kýbogynyń ıegeri atandy. Shymkenttik klýb budan buryn 2011, 2022 jyldary kýbokty tóbesine kótergen edi.
Sondaı-aq «Ordabasy» bıyl Qazaqstan chempıony ataǵyn jeńip aldy. Nátıjesinde olar bıyl eki týrnırde bas júldege qol sozdy.
Fınalǵa deıin «Ordabasy» aldymen shymkenttik «Ońtústik akademııa» (4:2), aqtaýlyq «Kaspıı» (3:0), taldyqorǵandyq «Jetisý» (1:0), óskemendik «Altaı» (3:1, 2:1) klýbtaryn jeńdi.
Qazaqstan kýbogy 1992 jyldan beri turaqty túrde ótkizilip keledi. Qazirge deıin barlyǵy 15 komanda kýbokty jeńip aldy. Onyń ishinde «Qaırat» (Almaty) -10, «Jeńis» (Astana), «Astana», «Tobyl» (Qostanaı) — 3, «Aqtóbe», «Qaısar» (Qyzylorda), «Ordabasy» (Shymkent) — 2, «Atyraý», «Ertis» (Pavlodar), «Taraz», «Shahter» (Qaraǵandy), «Vostok» (Óskemen), «Almaty», «Dostyq» (Almaty), «Spartak» (Semeı) 1 márteden jeńimpaz atandy.
