«Orda» tobynyń ánshisi kıno túsirdi

Atalmysh týyndy búginnen bastap otandyq kınoteatrlarda kórsetile bastaıdy.

Bul - el aldynda án salyp, bı bılep júrgen Erbolat Bedelhannyń rejısser retindegi alǵashqy qol­tańbasy. Sondyqtan jańa eńbek sapaly deńgeıde jaryq kórýi úshin «Orda Brothers» kompanııasy men «Jado Productions» prodıýserlik or­talyǵy birigip ter tókken. Daıyndyq sha­ralaryna bir jyldan astam ýaqyt jumsalǵan. Al túsirý alańyndaǵy jumys 24 kúnge sozylypty.
Bir aıǵa jýyq «Orda» tobynyń án­shileri el aldynda óner kórsetýdi toq­tata turǵan. Sóıtip, elimizde bu­ryn-sońdy qolǵa alynbaǵan jo­ba­ny ómirge ákelgen. Birden aıta ke­teıik, bul fılm - Qazaqstan kınoındýstrııasy men shoý-bıznes salasyndaǵy bıge qyzyǵatyn, bıdi ózine ómirlik serik sanaıtyn jas­tarǵa arnalǵan alǵashqy kıno kar­tına. Fılm rejısseri Erbolat Be­delhannyń aıtýy boıynsha, bı bıleý - áýesqoılyq qana emes, sony­men qatar ózińdi-óziń qa­lyp­tastyrý, salaýatty ómir saltyn us­taný jolyndaǵy úlken eńbek.

Fılmde barlyq keıipkerlerdi Konstantın Dıhnov, Zarına Baık­e­nova, Juldyz Saparǵalıeva, Erbol Semqulov, Ahmet Ahmetov, Sito, Nur­lan Álimbekov syndy bıshiler som­daıdy. Keıbirine óz rólin túsirilim alańynda oınap úırenýge týra kel­gen. Óıtkeni rejısserdiń aıtýynsha, bizdiń elimizde zamanaýı bı bıleı­tin bıshi-akterler joqtyń qasy.

Jalpy, fılmdegi tar­tys birneshe bı ujymynyń ara­synda ótedi. Keıipkerler bıleı júrip, ǵashyq bolady, bir-birimen básekeles bolyp, tartysady. Qyr­ǵı-qabaq tanytyp, qaıta dostasady. Sátsizdikke ushyraıdy.

«Tyıym salynǵan kóshe bı­le­rine qumar bıshiniń bar ómirin kór­­setýge tyrystyq. Osyndaı jas­tar­dyń talpynysy nemen bastalyp, qa­laı aıaqtalatynyn kórsetkimiz kel­di. Ádette, bıshi mamandyǵy biz­diń qoǵamda laıyqty baǵalana ber­­meıdi. Olarǵa jeńil-jelpi qa­raıtyndar kóp. Mamandyq qa­ta­ryna kirgizbeı, áýesqoılyq dep qa­­na sanaıdy. Bıshilerdiń óneri bas­qa shyǵarmashylyq ıelerine qa­raǵanda, áldeqaıda tómen satyda tu­rady. Men munyń barlyǵyn óz ba­symnan ótken soń aıtyp otyr­myn. Meni de túsingisi kelmeı, syr­tym­nan sóz qylǵandar jetkilikti bol­dy. Osy máselege toqtalyp, bı­shiler ómirine tereńirek úńil­genim­niń de bir sebebi sol. Kórermenniń, qoǵamnyń kózqarasyn ózgertip, adamdar arasynda jańasha oı qa­lyptastyrsam, jastarǵa rýhanı demeý bersem deımin. Óıtkeni bıge qumar jastardyń kóbi ata-ana­lardyń, aınaladaǵylardyń qar­sylyǵyna tótep bere almaı, súıikti isinen bas tartýǵa májbúr bolady. Men óz fılmim arqyly bıdiń bos júrgen jastardyń ermegi emes, naǵyz óner, naǵyz kásip ekenin dáleldegim keldi», - deıdi rejısser.

«Aıqyn» gazeti, 2013 jyldyń 10 qańtary kúngi sany.