Orda buzar jas otyz ekendigin álem ǵalymdary dáleldedi
ASTANA. QazAqparat - Soltústik Batys ýnıversıtetiniń ekonomısteri Bendjamın Djons pen Brıýs Vaınberg adamdarǵa danyshpandyq qaı jas shamasynda keletinin anyqtady.
Ǵalymdar 500-den astam Nobel laýreattary men shamamen 300-deı XX ǵasyrdyń áıgili óner tapqyshtary týraly derekterdi sarapqa salǵan. Mamandardyń anyqtaýynsha, olardyń 96 paıyzy óz jańalyqtaryn 26 jastan asqan shaqtarynda ashqan. Al ǵalymdardyń kóbisi súbeli eńbekterin 30-40 jasynda jazǵan, dep jazady «EvroSMI». Demek qazaqtar otyzdy «orda buzar jas» dep baǵalaǵany beker emes. Amerıkalyq ekonomısterdiń sózine qaraǵanda, ár salanyń óz «danyshpandyq jasy» bolady eken. Sonymen, Djons pen Vaınbergtiń esebinshe, fızıka salasynda jańalyq ashqandardyń ortasha jasy - 30, hımııa salasynda - 39, fızıologııada - 41. Jalpy alǵanda, XX ǵasyrdaǵy «danyshpandyq jas» ortasha eseppen 39 jasty qurady.
