«Orda» blog-tuǵyrnamasy baıqaý ótkizýde
ALMATY. 6 tamyz. QazAqparat - HORDE.KZ blog-tuǵyrnamasy Qazaqstan blogsferasynyń jańa juldyzdarynyń shyraǵyn jaǵý maqsatynda aı saıyn baıqaý ótkizýde.
Oǵan qatysýshylar bir aı boıy tanymal bolyp, oqyrmandaryn 1 aı boıy ustap turý kerek. Blogshylardyń reıtıngi aı saıyn jańartylyp, qaıtadan nólden bastalady.
«Ǵalamtordy qoldanýshylardyń kópshiligi jeke blogty - turdym, tańǵy asymdy ishtim, ýnıversıtetke bardym degen deńgeıde ǵana júrgizedi. Meniń paıymdaýymsha, qazaqstandyq blogsferada sarapshylar men kózqaras kózbasshylary jetispeıdi. Sondaı-aq aımaqtarda avtorlarǵa qajettilik bar. Bizdiń maqsat - jańa bastaǵan talantty blogshylardy taýyp, olarǵa kómektesý», - deıdi kommertsııalyq dırektor Nurke Halyqbergen.
Onyń aıtýynsha, «Orda» blog-tuǵyrnamasynyń ákimshiligi shildedegi baıqaýdyń 3 jeńimpazyna : iPad 3 plansheti, AmazonKindleFire elektrondyq kitaphanasy men iPodnano oınatqyshyn ázirlep qoıdy. Tamyz aıyndaǵy baıqaý týraly tolyq aqparatty www.horde.kz caıtynan bilýge bolady.
