Orazbek Asylqulov bokstan álem chempıonatynda reseılik boksshyny jeńdi

ASTANA. KAZINFORM — Halyqaralyq boks assotsıatsııasy (IBA) aıasynda Dýbaıda (BAÁ) ótip jatqan álem chempıonatynda el quramasynan Orazbek Asylqulov (57 keli) fınalǵa shyqty.

Qazaqstandyq bylǵary qolǵap sheberi jartylaı fınalda reseılik Andreı Peglıvanıanmen qolǵap túıistirgen edi. Jekpe-jek barysynda ol jınaqy qımyldap, upaı sanyn molaıtty. Tóreshilerdiń biraýyzdan sheshimimen ol qarsylasynan 5:0 esebimen basym tústi.

Endi qazaqstandyq boksshylar arasynan Ertýǵan Zeınýllınov (63,5 keli), Abylaıhan Júsipov (71 keli) sharshy alańǵa shyǵady.

Aıta ketsek, búgin Sabyrjan Aqqalyqov (75 keli) jartylaı fınaldaǵy qarsylasy ózbekstandyq Fazlıddın Erkınboevtyń jarysty jalǵastyrýdan bas tartýyna baılanysty birden fınalǵa shyqty.

Sondaı-aq Sáken Bıbosynov (54 keli) endi álem chempıonatynda altynǵa talasady. 

Al Temirtas Júsipov (48 keli) jartylaı fınalda reseılik Edmond Hýdoıanǵa ese jiberip, qola júldeni qanaǵat tutty.

Al qazaqstandyq Danııal Sábıt (51 keli), Serik Temirjanov (60 keli), Sanatáli Tóltaev (67 keli), Erasyl Jaqpekov (80 keli), Dáýlet Tólemisov (86 keli), Nýrmagamed ıÝsýpov (92 keli), Nurlan Saparbaı (92 keliden joǵary) jarysty erte aıaqtady.