Orazalın tikushaqpen aýdan aralaǵany jaıynda: Jerden jeti qoıan tapqandaı talqylaıtyn nárse emes
NUR-SULTAN. QazAqparat – Búgin Ortalyq kommýnıkatsııalar qyzmetindegi baspasóz máslıhatynda Aqtóbe oblysynyń ákimi Ońdasyn Orazalın aýdandarǵa tikushaqpen barý sebebin túsindirdi, dep habarlaıdy QazAqparat tilshisi.
Baspasóz máslıhatynda BAQ ókilderi ákimnen Muǵaljar jáne Baıǵanın aýdandaryna tikushaqpen barýy áleýmettik jelide qyzý talqylanǵanyn jáne osyǵan qatysty pikirin surady.
«Meniń oıymsha, bul - kúndelikti tájirıbe. Odan tartynýdyń qajeti joq. Biz barǵanda Qaratóbede ekologııalyq apat oryn alyp, munaı tógilip jatty. Al mundaı tótenshe jaǵdaıda tikushaqpen ushýǵa mindetti túrde bıýdjetten qarajat bólinedi. Ol jerge mamandarmen birge bardyq. Sol óńirdegi shalǵaı aýyldarǵa da barýdy josparladyq. Bul - jerden jeti qoıan tapqandaı áleýmettik jelide talqylaıtyn másele emes», - dedi oblys basshysy.
O.Orazalın eldi mekenderdegi problemalardy óz kózimen kórip, qulaǵymen estý úshin demalys kúnderi kólikpen aýyldarǵa baryp turatynyn aıtty.
«Al endi bir tótenshe jaǵdaı oryn alsa, onda dereý shara qoldaný úshin tikushaqpen ushyp barýǵa da daıynmyn», - dedi ol.
