Orazadaǵy ońdy is

ASTANA. QazAqparat - QMDB tarapynan jarııalanǵan bıylǵy «Din men dástúr» jyly aıasynda ımamdardyń aldaǵy atqarar qyzmetteri men baǵyttary aıqyndalǵan edi. Bas múftıdiń kórsetken tórt baǵytynyń biri - qaıyrymdylyq sharalaryn kóptep uıymdastyrý meshit atqarar jumystardyń da mańyzdysy, dep jazady ummet.kz.

Osy oraıda QMDB tóraǵasy Erjan qajy Malǵajyuly jýyrda jarııalanǵan úndeýinde kúlli musylmandardyń múbárak aıy Ramazanda izgi isterdi jıi uıymdastyryp, muqtaj jandarǵa qol ushyn sozýǵa shaqyrǵan edi.

Qaıyry mol qadirli aıda qaıyrymdylyq isterin jasaýdy «Nur Astana» meshiti de jyldaǵy dástúrmen jalǵastyryp, búgin qalamyzdaǵy kóńili kemshin jandarǵa demeý bolyp, azyq-túlik úlestirip, kıim-keshek taratty. Atap aıtar bolsaq, áleýmettik jaǵdaıy, turmysy tómen otbasylarmen qatar, taǵdyrdyń syn-synaǵyna moıymaı, týmysynan kemtar, múgedek jandardy baǵyp-qaǵyp otyrǵan shańyraqtarǵa da qamqorlyq kórsetildi. Jıylǵan jurtshylyqty qasıetti oraza aıymen quttyqtaǵan QMDB-nyń Astana qalasy boıynsha ókili, «Nur Astana» meshitiniń bas ımamy Naýryzbaı qajy Taǵanuly: «Ardaqty aǵaıyn, asyl dinimiz ıslam - beıbitshilik pen meıirimniń dini. «Kórshisi ash otyryp, ózi toq otyrǵan bizden emes» dep ardaqty paıǵambarymyz óz úmmetine ónegeli ósıetin qaldyrdy. «Kórshi aqysy - táńir aqysy» degen de dana qazaq atalarymyz. Ata dinimiz ben baba dástúrin úzip almaý búgingi urpaqtyń mindeti. Qasıetti aıdaǵy qulshylyq-ǵıbadattaryńyz, ustaǵan orazalaryńyzdy Alla qabyl etsin. Bir-birimizge meıirimdi bolýǵa, qamqor bolýǵa umtylaıyq» dep, qadirli aıdyń qundylyǵyna toqtalyp ótti. Osylaısha, orazada bastaý alǵan ıgi sharada 84 otbasy qamtylyp, ár otbasyǵa azyq-túlik, kıim-keshekter, sondaı-aq, múgedekterge arnalǵan kerek-jaraqtar, trenajorlyq quraldar taratyldy.