Orazada elordanyń 2 meshitinde Quran qatym túsirilmeıdi, tek Taraýyq namazy oqylady
ASTANA. QazAqparat - Orazada elordanyń 2 meshitinde Quran qatym túsirilmeıdi, tek Taraýyq namazy oqylady. Bul týraly búgin Áljan ana meshitiniń bas ımamy Ermek Muqataı málim etti.
«Ramazan aıy Oraza aıy ǵana emes, Ramazan aıyn Quran aıy dep te aıtady. Sebebi, osy aıda Quran kárim túsirilgen. Qadir túninde Qurannyń alǵashqy aıattary ardaqty Paıǵambarymyzǵa (s.a.ý.) túsirile bastaǵan. Sondyqtan, otyz kún Orazada Quran qatym túsirý saltqa aınalǵan. Orazada Astananyń ár meshitinde buryn qatym oqylatyn. Bıyl bir erekshelik - túnniń qysqa, kúnniń uzaq bolýyna baılanysty qyzmettegi adamdarǵa jeńildik bolsyn dep, Astana qalasynyń eki meshitinde Quran qatym túsirilmeıdi, tek Taraýyq namazy oqylady. Qatym otyz kún orazada Qurandy bastan aıaq oqyp shyǵý bolyp sanalady», - dedi dedi ol.
Bas ımamnyń atap ótýinshe, Áljan ana meshiti jáne Tólebaı meshitinde Taraýyq namazy qatymsyz oqylady.
«Taraýyq namazy Ramazan aıynda oqylatyn, 20 rákkattan turatyn namaz. Bıylǵy Taraýyq namazanyń alǵashqy kúni 17 maýsymnan bastalady. 17 maýsym kúni quptan namazynan keıin Qurandy jatqa biletin kisiler jamaǵatpen birge Astananyń alty meshitinde Taraýyq namazyn bastaıdy. Aıtyp ótkenimdeı, tún óte qysqa, kúndiz qyzmettegi kisiler úshin eki meshitti arnaıy bóldik. ıAǵnı,ol kisiler az ýaqyt ishine Taraýyq namazyn ǵana oqıdy», - dedi E.Muqataı.
