Oraza ustaǵandar qandaı sportpen aınalysqany durys
ALMATY. KAZINFORM – Almaty qalalyq №36 emhananyń jalpy tájirıbe dárigeri Móldir Álimbaeva Ramazan aıynda aýyz bekitken adamdardyń sportpen qalaı durys aınalysý kerek ekenin aıtyp berdi.
Dárigerdiń sózinshe, oraza kezinde birqalypty fızıkalyq belsendilik densaýlyqqa oń áser etedi. Degenmen, ár adam ár túrli ekenin este ustaǵan jón, sol sebepti oraza kezinde jattyǵýdy bastamas buryn dárigermen keńesip alǵan artyq etpeıdi.
«Oraza kezinde men birqalypty sport túrin tańdaýdy usynamyn. Joǵary qarqyndy jattyǵýlardan aýlaq bolǵan durys. Onyń ornyna ıoga, pılates, júrý nemese taza aýadaǵy jattyǵýlarǵa artyqshylyq berý kerek. Óz tánińizge kóńil bólip, ózińizdi shamadan tys qınamaýyńyz kerek. Jattyǵýlar arasynda demalys jasap otyrý kerek. Qatty terlemegen durys. Aýyz ashqan soń, jetkilikti mólsherde sý ishý mańyzdy. Qandaı da bir yńǵaısyzdyq nemese álsizdik sezinseńiz, jattyǵýdy dereý toqtatyńyz», - deıdi dáriger.
Eger aýyz bekitken adam kásipqoı sportshy bolsa, onda jattyǵýdan soń birden sý ishý úshin aýyz bekiter aldynda jáne aýyzashar aldynda jattyǵý jasaǵany durys.
«Ramazan aıy aıaqtaǵalǵan soń, aǵzany qajetti qorektik zattarmen qamtamasyz etý úshin durys tamaqtaný kerek. Bul rette tańǵy as pen keshki asta as qorytýǵa ońaı jáne quramynda kóp mólsherde kókónis, aqýyzy bar taǵamdar (et, jumyrtqa, burshaq daqyldary) jáne paıdaly maılar (maılar, jańǵaqtar, dánder) bolýy kerek. Bul ýaqytta maıly, aşy jáne tátti taǵamdardy shektep, artyq tamaqtanbaǵan durys. Adam jany men tániniń saýlyǵyn oılaý ıslam dininiń negizgi qaǵıdasy ekenin este ustaǵan jón. Mamandardyń usynysyn oryndap, qolaıly sport túrin tańdaý arqyly siz oraza kezinde dene shynyqtyrýmen aınalysyp, deneńiz ben rýhanı ál-aýqatyńyzdy nyǵaıta alasyz», - dep atap ótti Móldir Álimbaeva.
