Oraza qıyn kezde qýanysh syılap, senimdi nyǵaıtady dep úmittenemin - Darıǵa Nazarbaeva
NUR-SULTAN. QazAqparat - Senat Tóraǵasy Darıǵa Nazarbaeva qazaqstandyqtardy qasıetti Oraza aıynyń bastalýymen quttyqtady, dep habarlaıdy QazAqparat joǵary palatanyń baspasóz qyzmetine silteme jasap.
«Qazaqstan musylmandaryn qasıetti Oraza aıynyń kelýimen quttyqtaımyn!
Bul – aılardyń ulyǵy, barsha musylman qaýymyn tazarýǵa bastaıtyn, senimin nyǵaıtyp, rýhanı turaqtylyqty shyńdaıtyn ýaqyt.
Búkil adamzat koronavırýs pandemııasymen kúresip jatqan qıyn-qystaý kúnderi barlyq qaǵıdalardy ustaný jáne densaýlyqty saqtaý mańyzdy bolyp qala beredi. Qazirgi qıyn kezde Oraza qýanysh pen baqyt syılaıdy, tynyshtyq pen sabyr beredi, senimdi nyǵaıtady dep úmittenemin.
Barlyq qazaqstandyqtarǵa rýhanı kelisim, myqty densaýlyq jáne bereke tileımin», - dep atap ótken Senat Tóraǵasy.
