Oraza dıabetten emdeıdi
ASTANA. QazAqparat - AQSh-taǵy Mıýrre kardıologııa ınstıtýtynyń sarapshylary oraza tutqan adamnyń aǵzasynda maı kletkalaryndaǵy zııandy holestırındi energııaǵa aınaldyrtyn paıdaly bir protsestiń júretinin alǵa tartýda. San-Frantsıskoda ótken Dıabettiń amerıkalyq assotsıatsııasynyń otyrysynda bul protsestiń qant dıabeti aldyndaǵy faktorlarmen kúresýde mańyzy óte joǵary ekeni aıtylǵan, dep jazady muslim.kz.
Zertteý jumystaryna qan quramynda glıýkozasy joǵary 30 ben 69 jas aralyǵyndaǵy erler men áıelder qatysqan. Sonyń nátıjesinde ǵalymdar mynadaı toqtamǵa keledi: "Oraza antıdıabettik protsedýra sanalady. Ony on jylǵa deıin úzbeı ustaý qant dıabeti men júrektiń ıshemııalyq aýrýlarynan ada bolýdyń kepili". Mundaı pikirdi atalǵan ýnıversıtettiń júrek qan-tamyr aýrýlary men genetıkalyq epıdemıologııa bóliminiń dırektory Bendjamın Horn aıtqan. Demek, oraza qulshylyq ne rýhanı tazarý ǵana emes, tánge de tóngen qaýiptiń basyn qaıtara alatyn qabiletke ıe eken.
