Oraza aıt meıramy barlyq qazaqstandyqtardy biriktiredi - S.Kýlagın (FOTO)
ASTANA. QazAqparat - Aqmola oblysynyń ákimi Sergeı Kýlagın tańsáriden Kókshetaý qalasyndaǵy Naýan-Haziret atyndaǵy ortalyq meshitke bas suǵyp, Aıt namazyna jıylǵan jamaǵatty dinı merekemen quttyqtady.
- Oraza aıt meıramy musylmandardy ǵana emes, barlyq qazaqstandyqtardy biriktiretin ortaq mereke. Bizdiń halyq ıslam dininiń beıbitshilik, kelisim men toleranttyqtyń, úılesimniń dini ekendigin ózderiniń ónegesimen kórsetýde. Búgin óziniń máresine jetken Ramazan aıy bizdi beıbitshilikke, kelisimge, yntymaqqa shaqyryp, jaqsylyq ister jasaýǵa, muqtaj jandarǵa kómek kórsetýge úndeıdi. Men sizderdi ári qaraı da Prezıdentimiz Nursultan Ábishuly Nazarbaev negizin qalap bergen rýhanı kelisim men tatýlyqta ómir súrýge shaqyramyn. Kıeli Oraza aıt merekesi ár úıge baqyt pen jaqsylyq ákelsin, Aıt qabyl bolsyn! - dedi óz quttyqtaýynda óńir basshysy.
Ákimniń sózinen keıin aıt namazyn oqý rásimi bastaldy. 
