Oraza aıt merekesine oraı Astanada ulttyq oıyndar saıysy ótedi
ASTANA. QazAqparat - Oraza aıt merekesinde umytyla bastaǵan ıgi dástúrlerdi qaıtadan sánge aınaldyrý maqsatynda eresekter men jastar arasynda ulttyq oıyndardan jarys ótkizilmek, dep habarlanǵan «Nur Astana» meshitiniń Feısbýk áleýmettik jelisindegi paraqshasynda.
Atap aıtqanda, qatysýshylar qol kúresi, toǵyzqumalaq, kir tasyn kóterý, arqan tartý, asyq atý tárizdi oıyndarda óz baqtaryn synaı alady. Sharany 17 shilde kúni saǵat 14.00-de «Nur Astana» meshiti ótkizedi. «Sonymen qatar merekelik is-sharalar ótedi jáne jeńimpazdarǵa arnaıy baǵaly syılyqtar bar» delingen habarlamada.
