Oraza aıt kúni Aqtaýda avtobýstar tegin júredi

NUR-SULTAN. QazAqparat – Aqtaý qalasyndaǵy qoǵamdyq kólikter Oraza aıt kúni jolaýshylardy tegin tasymaldaıdy, dep habarlaıdy QazAqparat shahar ákimdigine silteme jasap.

Atap aıtqanda, 2 mamyrda Aqtaý qalasyndaǵy №2, 3, 4, 4m, 5, 7, 8 baǵyttarynda qatynaıtyn qoǵamdyq kólikterde jolaqy alynbaıdy. Bul baǵyttar shahar aýmaǵyn qamtıdy.

Jergilikti atqarýshy organ oblys ortalyǵynyń turǵyndary men qonaqtary úshin osyndaı jeńildik jasamaq.

Qala ákiminiń baspasóz qyzmeti habarlaǵandaı, «bul - tek qana Oraza aıtta emes, ár mereke saıyn uıymdastyrylatyn úrdis».

Eske sala keteıik, stýdentterdi memlekettik basqarý isine aralastyrý maqsatynda qala ákimdiginiń apparattyq jınalysy jańa formatta – ýnıversıtet qabyrǵasynda ótkizile bastady.