Oraza aıt qaıyrymdylyqty dáripteıtin qasterli meıram - Máýlen Áshimbaev
«Qurmetti dostar!
Barshańyzdy qasıetti Oraza aıt merekesimen quttyqtaımyn!
Bul – adamzatty bereke-birlikke shaqyratyn jáne qaıyrymdylyq pen qarapaıymdylyqty dáripteıtin qasterli meıram. Dál osy kúnderi muqtaj jandarǵa qoldaý kórsetip, qamqorlyq tanytý ıgi dástúrge aınaldy. Mundaı izgi amaldar eldiń yntymaǵyn arttyra túsetini sózsiz. Ásirese, qazirgideı kúrdeli kezeńde onyń mańyzy asa zor. Sondyqtan aıt merekesin ımandylyqpen birge adamgershiliktiń de ózegi dep qabyldaımyz.
Sizderdi aıtýly meırammen quttyqtaı otyryp, Ramazan aıynda ustaǵan orazalaryńyz ben tilegen duǵa-tilekterińiz qabyl bolsyn dep tileımin. Ár shańyraq shattyqqa kenelip, Otanymyz órkendeı bersin. Orazadan orazaǵa aman-esen jete bereıik.
Aıt múbárak bolsyn!», dep jazdy Máýlen Áshimbaev Facebook -tegi paraqshasynda.
