Oraza aıt-2025: Qazaqstan trendtik týrıstik baǵyttar qataryna endi
ASTANA. KAZINFORM – Qazaqstan arab elderiniń týrısteri úshin Oraza aıt-2025 merekesi kezindegi tanymal baǵyttardyń qataryna endi. Ótken jyly bizdiń elimiz osy aımaqtaǵy tez damyp kele jatqan týrıstik baǵyttardyń reıtıngin basqarǵan.
Khaleej Times zertteýi boıynsha BAÁ turǵyndarynyń 60%-y Oraza aıt merekesin atap ótý úshin shetelge saıahattaıdy jáne olardyń kóbi otbasylyq demalys úshin bıýdjettik vızasyz baǵyttardy tańdaıdy.
Basylymda trendtik elderdiń qataryna Qazaqstanmen qatar Ázerbaıjan, Grýzııa, Ózbekstan, Qyrǵyzstan, Armenııa kirgeni atap ótilgen. Olardyń barlyǵy vızalyq rejımniń qolaılyǵymen erekshelenedi. Gulf times qysqa qashyqtyqqa saıahattaýdyń tanymaldyǵy arta túskenin kórsetedi.
Ásirese, ekspatrıanttar arasynda vızalyq jeńildikter usynatyn elderge barýǵa suranys kóbeıgen. Bul rette Qazaqstanǵa, Grýzııaǵa, Ázirbaıjanǵa, Egıpetke jáne Iordanııaǵa saparlar tanymal bola túsýde.
- Middle East Economic Oraza aıt-2025 merekesi kezinde barýǵa bolatyn 15 trendtik baǵytty belgiledi. Qazaqstannyń BAÁ týrısteri arasynda tanymaldyǵy mádenı mura men tabıǵı landshafttardyń alýan túrliligimen ǵana emes, sondaı-aq qoljetimdiligimen de túsindiriledi. "Qazaqstan - Ortalyq Azııadaǵy eń iri el, zamanaýı qalalardy, biregeı tabıǵı landshafttardy jáne baı mádenı murany biriktiredi. Elorda astanasy Báıterek monýmenti men Han Shatyrdy qosa alǵanda, fýtýrıstik sáýletimen tań qaldyrady. Almaty óziniń jarqyn mádenıetimen, Medeý muz aıdyny men Shymbulaq taý kýrorty sııaqty kórikti jerlerimen tanymal. Tabıǵat súıer qaýym “qazaqstandyq grand-kanon” atalyp ketken Sharyn shatqalyn nemese janǵa tynyshtyqty syılaıtyn Kólsaı kólderin zertteı alady. “Altyn-Emel" ulttyq parkiniń jumbaq barqandary jáne Túrkistandaǵy Qoja Ahmet ıAsaýı tarıhı kesenesi elge biregeılik qosyp, ony Oraza aıt 2025 merekesi kezinde barýǵa bolatyn eń jaqsy oryndardyń birine aınaldyrady,- dep kórsetilgen materıalda.
Aıta keteıik, Qazaqstanda týrızmge salynǵan ınvestıtsııa kólemi 20,3%-ǵa artty.