Oraza-2025: pitir sadaqa mólsheri bekitildi
ASTANA. KAZINFORM — Sanaýly kúnderden soń musylman qaýymy úshin qasıetti Ramazan aıy bastalady.
Qazaqstan musylmandary dinı basqarmasy ortaq pátýaǵa sáıkes, qasıetti Ramazan aıy 1 naýryzda bastalatynyn habarlap otyr. Naýryz aıynyń 26-nan 27-ne qaraǵan tún — Qadir túni, al 30 naýryz — Oraza aıt merekesi.
Elimizdiń Bas múftıi Naýryzbaı qajy Taǵanulynyń tóraǵalyǵymen ótken Qazaqstan musylmandary dinı basqarmasynyń tóralqa májilisinde pitir sadaqasy elimiz boıynsha eki keli unnyń ortasha baǵasy negizinde 655 teńge bolyp bekitildi.
Aıta keteıik, barlyq óńir, qala, aýdan jáne aýyldyń (barlyǵy 6000 eldi meken) oraza jáne namaz kestesin PDF formatta muftyat.kz saıtynan siltemege ótip júktep alýǵa bolady.
Eske sala ketsek, Qazaqstan musylmandary dinı basqarmasynyń sharıǵat jáne pátýa bólimi 2025 jylǵy dinı kúnder kestesin byltyr kúzde bekitken edi.