Oramjapyraqty EAEO elderine eksporttaý kedergisiz júrip jatyr - AShM
«QR Aýyl sharýashylyǵy mınıstrliginiń Agroónerkásiptik keshendegi memlekettik ınspektsııa komıteti oramjapyraqty EAEO elderine eksporttaý boıynsha kedergisiz jumys atqarylyp jatqanyn habarlaıdy. Osy oraıda fıtosanıtarııalyq sertıfıkattardy berý shtattyq rejımde júrgizilýde. 2020 jylǵy 10 sáýirdegi jaǵdaı boıynsha Shymkent qalasynan jalpy kólemi 2300 tonnaǵa 116 sertıfıkat, Túrkistan oblysy boıynsha 220 tonna oramjapyraqty eksportaýǵa 13 fıtosanıtarlyq sertıfıkat berildi. Jalpy, 10 myń tonna oramjapyraqqa fıtosanıtarlyq sertıfıkat alýǵa ótinim kelip tústi. Sertıfıkattardy berý QR zańnamasynyń talaptary men reglamentterine sáıkes júrgizilýde», - delingen QR AShM baspasóz qyzmeti málimetinde.
Oramjapyraqtyń fıtosanıtarlyq jaǵdaıyn anyqtaý jáne tekserýdiń barlyq qajetti protsedýralarynyń júrgizilýine qaraı barlyq kásipkerlik sýbektileri fıtosanıtarlyq sertıfıkattar alady.
Tótenshe jaǵdaıdyń engizilýine baılanysty QR AShM ósimdikter karantıni jónindegi memlekettik ınspektorlar kúsheıtilgen jumys rejımine kóshirildi.
