Oralhan Bókeıdiń tańdamalary shyǵarmalar jınaǵy shyqty
Ol daryndy qalamger Oralhan Bókeıdiń týǵanyna 70 jyl tolýyna oraılastyrylyp otyr.
1970 jyly shyqqan «Qamshyger» dep atalatyn alǵashqy jınaǵymen jurtshylyqty eleń etkizgen jazýshynyń esimin «Úrker» (1971), «Qaıdasyń, qasqa qulynym?» (1973), «Muztaý» (1975) dep atalatyn áńgimeler men povesteri jalpaq jurtqa jarııa etti. Odan keıin «Án salady shaǵyldar» (1978), «Úrker aýyp barady» (1981), «Bizdiń jaqta qys uzaq» (1984), «Uıqym kelmeıdi» (1987) degen týyndylaryn ómirge ákelgen O.Bókeıdiń 1986 jyly «Qulynym meniń» dep atalatyn dramalyq shyǵarmasy jaryqqa shyqty. Onyń «Qulynym meniń» (1974), «Teketires» (1976), «Qar qyzy» 1982), «Zymyraıdy poezdar» (1984), «Jaý tylyndaǵy bala» (1985), «Men sizden qorqamyn» (1987) pesalary qazaq jáne orys tilderinde respýblıkalyq, oblystyq, sondaı-aq burynǵy odaqtas respýblıkalar teatrlarynda qoıyldy. «Qulynym meniń» pesasy úshin 1976 jyly QR Jastar syılyǵynyń laýreaty, 1978 jyly «Naızaǵaı izi» povesteri men áńgimeleri úshin N.Ostrovskıı atyndaǵy Búkilodaqtyq ádebı syılyqtyń laýreaty, 1986 jyly «Bizdiń jaqta qys uzaq» povesteri men áńgimeleri úshin Abaı atyndaǵy QR Memlekettik syılyǵynyń laýreaty atanǵan jazýshynyń kóptegen shyǵarmalary orys, aǵylshyn, frantsýz, nemis, japon, arab, qytaı jáne basqa shetel tilderine aýdaryldy. «Kisikıik» (1985, rejısseri M.Samaǵulov), «Saıtan kópir» (1986, rejısseri D.Manabaev) kórkem fılmderi jáne «Kerbuǵy» (1986, baletmeıster b.Aıýhanov) baleti qoıyldy. Artynda qoljazba kúıinde aıaqtalmaı qalǵan «Aldanǵan urpaq» dep atalatyn trılogııalyq romanyn qaldyrǵan O.Bókeıdiń 1994 jyly povesteriniń «Tańdamaly» degen atpen 1 tomy, al 1996 jyly povesteri men romandarynyń 2 tomy «Jazýshy» baspasynan jaryq kórgen bolatyn.