Oralhan Bókeı álemdik deńgeıdegi jazýshy – dramatýrgtiń qaryndasy
Búgin Ulttyq mýzeıde jazýshy, dramatýrg Oralhan Bóıkeıdiń 80 jyldyǵyna arnalǵan «Jasyn ǵumyr jazýshy» atty kórkemsóz keshi ótti, dep habarlaıdy QazAqparat.
Atalǵan sharaǵa elorda mektepteriniń oqýshylary men ustazdary, ádebıetshiler jáne tarıhshylar qatysty.
«Bul kesh aıasynda jazýshynyń shyǵarmasy jáne ómirimen tanysýǵa keń múmkindik týyp tur. Sharaǵa qatysyp jatqan qazaq tili men ádebıetiniń muǵalimderi Oralhan Bókeıdiń shyǵarmalaryn taldap kórsetedi. ıAǵnı, basty maqsat – óskeleń urpaqqa dramatýrgtyń shyǵarmalaryn dáripteý», - dep toqtaldy QR Ulttyq mýzeıiniń ǵylymı hatshysy Saıalbek Ǵızzatov.
Kórkemsóz oqý keshine qatysqan basty qonaqtardyń biri – jazýshynyń qaryndasy Ǵalııa Bókeıqyzy. Ol aǵasy jaıly esteliktermen bólisip, Oralhan Bóıkeıdiń týyndylary jastardy izgilikke baýlıtynyn aıtty.
«Ózderińiz bilesizder, Oralhan bir oblystyń kólemindegi jazýshy emes, álemdik deńgeıdegi qalamger. 80 jyldyq mereıtoıyn atap ótý óziniń týǵan jeri Óskemende mamyr aıynda bastaldy. Ol jyl boıy jalǵasady jáne sońǵysy respýblıkalyq aqyndar aıtysymen qortyndylanady. Búgingi sharaǵa oqýshylar men muǵalimder qatysyp otyr. Bul óte quptarlyq jaǵdaı. Jalpy, jastardyń Oralhan Bóıkeı shyǵarmalaryn oqyp, ony nasıhattaýy 1998 jyldan bastaý alady. Jyl saıyn jazýshynyń respýblıkalyq oqýlary, túrli ǵylymı konferentsııalar ótkizilip keledi. Negizinen Oralhannyń shyǵarmalary jas býynǵa jaqyn. Onda otbasyndaǵy tárbıe, ata-ananyń róli men dástúrler dáripteledi», - deıdi jazýshynyń qaryndasy Ǵalııa Bókeıqyzy.