Oralǵa qarasty Serebrıakov kentinde 4 páterli úı órtendi
ORAL. QazAqparat - 27 qyrkúıekke qaraǵan túni, saǵat 03.16 shamasynda Oralǵa qarasty Serebrıakov kentinde Novostroıka 12 mekenjaıy boıynsha 4 páterlik úı otqa orandy.
Oral qalalyq TJ basqarmasynyń bastyǵy Marlen Sársenǵalıevtiń aıtýynsha, órttiń jalpy aýmaǵy 100 sharshy metrdi qamtydy. Eki páter túgeldeı órtke ketse, taǵy bireýiniń shatyry jandy.
Sol úıdegi turǵyndardyń sózine qaraǵanda, abyroı bolǵanda, eshkim zardap shekken joq. Úshinshi páterdiń zattary búlingen, jaramsyz dep aıtýǵa bolady. Qazir tórtinshi páterde (Novostroıka, 12/4) de elektr jelisi, gaz ajyratylǵan.
Qazirgi kezde oqıǵanyń sebep-saldary, kelgen shyǵyn anyqtalýda.
Aıta keteıik, BQO TJ departamentinen túsken málimetke qaraǵanda, bıylǵy segiz aıda óńirde 391 órt bolsa, sonyń 265-i nemese 67,7 paıyzy turǵyn úılerge tıesili. Sonyń ishinde 46 órt kóp qabatty turǵyn úılerde oryn alǵan. Turǵyn úılerdegi órt saldarynan 5 adam qaza taýyp, 16-sy túrli jaraqat aldy. Keltirilgen shyǵyn 8 mln. 291 myń teńgeni qurady.
Jylytý maýsymynyń bastalýyna oraı oblysta órt qaýipsizdigi aılyǵy jarııalandy.
