Oraldyń ortalyǵynda BMW órtenip ketti
ORAL. QazAqparat - Oralda qalanyń qaq ortasynda avtokólik otqa orandy, dep habarlaıdy QazAqparat tilshisi.
Batys Qazaqstan oblysynyń TJD baspasóz qyzmetinen túsken málimetke qaraǵanda, oqys oqıǵa 31 mamyr kúni túngi saǵat 22.14 shamasynda Eýrazııa dańǵyly men Á.Áıtıev kósheleriniń qıylysynda bolǵan.
1991 jyly shyqqan BMW avtokóliginiń motor bóligi janyp ketti. Ony sóndirýge 6 maman bir tehnıkamen bardy.
«Tilsiz jaý» 22.25-te oqshaýlanyp, 22.58-de aýyzdyqtaldy.
Bastapqy málimetke qaraǵanda, avtokóliktiń qozǵaltqyshy jarylǵan. Oqıǵa kósheniń ortasynda bolǵandyqtan, basqa kólikterdiń ony aınalyp ótýine týra keldi.
Eske sala ketsek, oblystyq TJ departamenti tarapynan óńirde aptap ystyqqa baılanysty 1 maýsymnan bastap órt qaýpi kúsheıetini eskertildi.
Sonymen qatar keshe Oralda jeke úı órtendi. 31 mamyrda tańǵy saǵat 04.10-da Samar kóshesindegi 89/9 úı otqa orandy.
Turǵyn úıdiń jaqtaýlary men kireberis bólmesi (100 sharshy metr) jáne sharýashylyq qurylystary (140 sharshy metr) órtendi. Ony sóndirýge 22 maman men 6 tehnıka jumyldyryldy. Órt sóndirýshiler jarylýy múmkin gaz ballonyn ýaqtyly alyp shyqqan. Órt saǵat 04.58-de sóndirildi. Oan eshkim zardap shekpedi.
Qazirgi kezde eki órttiń de shyǵý sebebi, keltirilgen shyǵyn kólemi anyqtalýda.
