Oraldyń «Aqjaıyǵy» «Nıkelşıkpen» ekinshi oıynda da jeńilip qaldy
ORAL. QazAqparat - Dopty hokkeıden joǵary lıga komandalary arasynda búkilreseılik jarysta óner kórsetetin «Aqjaıyq» búgin Verhnıı Ýfaleıde «Nıkelşıkpen» ekinshi matchyn ótkizdi, dep habarlaıdy QazAqparat tilshisi.
Reseı dopty hokkeı federatsııasynyń saıtynan málim bolǵanyndaı, aıdyn ıeleriniń basymdylyǵymen ótken kezdesý 5:2 esebimen aıaqtaldy.
Oıynnyń 13-mınýtynda «Aqjaıyqtyń» kapıtany Maksım Ótebalıev esep ashqanymen, odan ári qaraı «Nıkelşık» hokkeıshileri mergendik tanytty. Mıhaıl Andreev pen Dmıtrıı Harıtonov óz esepterine qos goldan jazsa, taǵy bir dopty Roman Lopatkov engizdi. Qonaqtardan reseılik legıoner Sergeı Panteev bir goldyń avtory atandy.
Osylaısha jeńilisten kóz ashpaı kele jatqan oraldyq maman Nıkolaı Shavaldınniń shákirtteri kelesi kezdesýlerin 7-8 jeltoqsan kúnderi Sverdlov oblysynyń «SKSO SKA-Sverdlovsk» komandasymen ótkizedi.
Eske sala keteıik, budan buryn «Aqjaıyqtyń» «Nıkelşıkpen» birinshi kezdesýinde de utylyp qalǵanyn jazǵan bolatynbyz.
