Oraldyqtar Maslenıtsa meıramyn atap ótti
ORAL. QazAqparat - Búgin Oral qalalyq mádenıet jáne demalys saıabaǵynda turǵyndar dástúrli Maslenıtsa meıramyn keńinen toılady, dep habarlaıdy «QazAqparat» HAA tilshisi.
Merekege qatysqan Qazaqstan halqy BQO assambleıasy tóraǵasynyń orynbasary Ǵaısa Qapaqovtyń atap ótkenindeı, Elbasynyń salıqaly saıasaty nátıjesinde elimizde san ult ókilderiniń tilin, salt-dástúri men mádenıetin damytýyna barynsha jaǵdaı jasalǵan. Olar tatý-tátti ómir súrip qana qoımaı, túrli meıramdaryn da birge toılap keledi. Munyń jarqyn mysalyn Maslenıtsa merekesinen kórýge bolady. Buǵan da óńirdegi barlyq etnomádenı birlestikter ókilderi kóterińki kóńil-kúıde atsalysty. Kóp uzamaı kóktem kelip, Kórisý aıt bastalyp, barsha halyqty birlik pen yntymaqqa shaqyratyn Ulystyń uly kúni - Naýryz meıramy jappaı toılanatyn bolady.
Qysty shyǵaryp salýǵa myń shaqty qala turǵyndary kelip, sporttyq saıystar men túrli kóńildi oıyndarǵa belsene qatysty. Quımaqtan, basqa da ulttyq taǵamdardan dám tatty.
Aıta keteıik, kóktemniń habarshysyndaı búgin kúnniń qyzýynan qar molyraq erip, kóshe joldaryna sý tolyp, júris-turysty qıyndatty.
