Oraldyqtar grossmeıster Murtas Qajyǵalıevpen shahmat oınady
ORAL. QazAqparat - Búgin Oralda Otan qorǵaýshylar jáne Jeńis kúnine oraı buqaralyq júgirý ótti, dep habarlaıdy QazAqparat tilshisi.
Merekelik sharaǵa qatysýshylar Abaı alańynan bastap Jeńis alańyna deıingi 2 shaqyrym aralyqty júgirip ótti.
Júgirýshiler qatarynda dańqty sportshylar, shahmatshy, halyqaralyq grossmeıster Murtas Qajyǵalıev, halyqaralyq dárejedegi sport sheberleri, eskek esýden jazǵy Azııa oıyndarynyń chempıony Alekseı Dergýnov, dopty hokkeıden Qazaqstan ulttyq quramasynyń kapıtany, álem chempıonatynyń tórt márte qola júldegeri, 2011 jylǵy qysqy Azııa oıyndarynyń chempıony Raýan Isalıev, QR eńbek sińirgen sport sheberi, sambodan tórt dúrkin álem chempıony Erbolat Baıbatyrov boldy.
Márege jetkennen keıin qatysýshylardy BQO ákiminiń orynbasary Ǵabıdolla Ospanqulov quttyqtap, mundaı sharalardyń salaýatty ómir saltyn ornyqtyrýda, jastardy sportqa kóbirek tartýda mańyzy zor ekendigin, sonymen qatar kópshilik júgirýdiń búgin Vanes Martırosıandy nokaýtqa jibergen Gennadıı Golovkındi qoldaýǵa arnalǵanyn jetkizdi.
Kópshilik júgirýge qatysýshylar arasynda lotereıa oınatylyp, syılyqtar tabys etildi.
Oraldaǵy Street Workout baǵytynyń sportshylary sheberlik saǵatyn ótkizip, QR Mádenıet jáne sport mınıstri Arystanbek Muhamedıuly bastaǵan «Challenge Street Workout KZ» jobasyna qosyldy.
Halyqaralyq grossmeıster Murtas Qajyǵalıev shahmatty kásipqoı jáne áýesqoı oınaýshylarmen bir mezgildik seans ótkizdi. Ataqty shahmatshymen balalar-jasóspirimder sport mektepteri tárbıelenýshileri, qala turǵyndarymen qatar Ǵ.Ospanqulov, Oral qalasy ákiminiń orynbasary Mırbolat Nurjanov ta sheberlikterin synap kórdi.
