Oraldyq turǵynnyń medıtsınalyq maskany kóterińki baǵamen satqany anyqtaldy
ORAL. QazAqparat – Oraldyq turǵynnyń medıtsınalyq maskany kóterińki baǵamen satqany anyqtaldy, dep habarlaıdy QazAqparat tilshisi.
BQO ekonomıkalyq tergeýler departamentinen túsken málimetke qaraǵanda, tótenshe jaǵdaı rejımine qaramastan, ol turǵyndarǵa 2800 maskany ótkizgen.
Budan túsken qarjy 560 myń teńgeni qurady.
«Qazirgi kezde sotqa deıingi tergeý amaldary júrgizilýde. Eger medıtsınalyq maskany kóterińki baǵamen satý derekterine kýá bolsańyz, 8-711-2-53-84-27 telefonyna habarlasýyńyzdy suraımyz», delingen departament taratqan habarlamada.
Eske sala keteıik, budan buryn Oralda volonterler kóp balaly analarǵa maska men antıseptıkter taratqanyn jazǵan bolatynbyz.
