Oraldyq turǵyndy 400 myń teńgege «otyrǵyzyp» ketken alaıaq ustaldy
ORAL. QazAqparat - Oraldyq turǵyndy 400 myń teńgege otyrǵyzyp ketken alaıaq ustaldy, dep habarlaıdy QazAqparat tilshisi.
BQO ishki ister departamentiniń baspasóz qyzmetinen túsken málimetke qaraǵanda, belgisiz bireý ákesiniń ólimine baılanysty qaryzǵa aqsha surap, M. degen azamatqa qońyraý shalǵan.
Beıtanys adamnyń sózine senip qalǵan M. onyń «Sberbank» AQ-daǵy esepshotyna 400 myń teńgeni aýdaryp jibergen. Tek sodan keıin ǵana aldanyp qalǵanyn bilgen oraldyq turǵyn polıtsııaǵa shaǵym túsirgen.
Jýyrda BQO ІІD uıymdasqan qylmyspen kúres basqarmasynyń qyzmetkerleri osy qylmysqa kúdikti retinde 1989 jylǵy B-ny anyqtap, qolǵa túsirdi. Ol keltirilgen zalaldy sol boıda ótegen.
Osy derek boıynsha Oral qalalyq ishki ister basqarmasy QR QK 190-babyna sáıkes (alaıaqtyq) sotqa deıingi tergeý amaldaryn júrgizýde.
