Oraldyq turǵyndar qus fabrıkasynan keletin jaǵymsyz ıiske baılanysty narazylyq bildirdi
ORAL. QazAqparat - Oralǵa qarasty "Zachagan" baý-baqsha seriktestiginiń turǵyndary qus fabrıkasynan keletin jaǵymsyz ıiske baılanysty narazylyq bildirdi, dep habarlaıdy QazAqparat tilshisi.
Bul másele birneshe jyldan beri sozylyp keledi.
Fabrıka aýmaǵynda qus sańyryǵynyń jınalýynan turǵyndarǵa dem alý múmkin bolmaı qalady.
"Esik-terezeni jaýyp qoıǵannyń ózinde jaǵymsyz ıis úıdiń ishin alyp ketti. Tynys alatyn jaǵdaı joq. Sondyqtan biz qus fabrıkasy basshylaryna eki talap qoıdyq. Biri - qus fabrıkasyn kóshirý nemese sol aýmaqty eki aıdyń ishinde tazalaý", dedi osy aýdanda turatyn Úzildik Eleýbaeva.
Oral qalasy ákimdiginen túsken málimetke qaraǵanda, "Oral qus fabrıkasy" basshylyǵy turǵyndarmen kezdesti.
Onda qus nájisin jınaqtaýǵa sanıtarlyq-epıdemıologııalyq qorytyndynyń bar ekendigi, sonymen qatar ony organıkalyq tyńaıtqyshqa aınaldyrýda jańa tehnologııanyń qoldanylatyny aıtyldy.
Soǵan qaramastan, bir aıdyń ishinde qus sańyryǵyn jınaqtaıtyn oryndy halyq turatyn jerden aýlaǵyraq kóshirý máselesi qolǵa alynatyn boldy. Osyǵan oraı Oral qalasy jer qatynastary bólimi mamanadarymen birge polıgon ornyn anyqtaý maqsatynda taıaý mańdaǵy jer telimderine monıtorıng júrgizildi.
