Oraldyq turǵyn óziniń úıin esirtki uıasyna aınaldyrǵan
BQO polıtsııa departamentiniń baspasóz qyzmetinen túsken málimetke qaraǵanda, atalǵan qylmys «Kóknár-2019» jedel aldyn alý sharasy barysynda belgili boldy.
37 jasar turǵynnyń páterin tintkende, paıdalanylǵan shprıtster, esirtki daıyndaýǵa arnalǵan ydys jáne basqa túrli qurylǵylar tabylǵan. Budan bólek kesede saraptama qorytyndysyna sáıkes ekstraktsııalyq apıyn túrindegi suıyqtyq turǵany anyqtaldy.
Kúdiktige qatysty QR QK 302-baby 1-bóligine (esirtki, psıhotroptyq zattardy, sol tektesterdi tutyný úshin prıtondar uıymdastyrý nemese olardy ustaý jáne osy maqsattar úshin úı-jaılar berý) jáne 296-baby 2-bóligine (esirtki, psıhotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý) sáıkes qylmystyq is qozǵalyp, tergeý amaldary júrgizilýde.
Aıta keteıik, bıylǵy alty aıda óńirde esirtkige qatysty 291 zańbuzýshylyq tirkeldi. Sonyń 15-i esirtki zattaryn asa iri kólemde zańsyz saqtaýǵa baılanysty. Sondaı-aq 5 esirtki tektes ósimdik ósirý deregi áshkerelendi. 2 esirtki uıasy joıyldy. 8 kg esirtki jáne psıhotroptyq zattar zańsyz aınalymnan alyndy.